Meşhur «Ofis» sitkomynyň aktýorlary Keýt Flenneri we Oskar Nunýes «Kim millioner bolmak isleýär?» amerikan telegepleşiginde baş baýragy, ýagny 1 million dollar gazandylar. Olar bu puly haýyr-sahawat gaznalaryna ugratmagy meýilleşdirýärler.
Aktýorlara serialdaky öňki kärdeşi – Kewiniň keşbini ýerine ýetiren Braýan Baumgartner ýardam berdi. Braýan olara soňky tapgyrda «dostuňa jaň et» kömeginiň dowamynda dogry jogaby tapmaga ýardam etdi.
Bu ýeňiş Oskar Nunýes üçin hem aýratyn ähmiýetli boldy, sebäbi ol häzirki wagtda «Ofisiň» spin-off-y bolan «Gazeta» atly serialda surata düşýär. Bu täze taslama Amerikanyň Orta Günbatar sebitindäki bir gazet redaksiýasynyň ýapylyş howpundan halas bolmak üçin žurnalistleriň goldawyny gözleýşi barada gürrüň berýär. Serial eýýäm ikinji möwsüme uzaldyldy.
