Hytaý bazarynda täze elektrikleşdirilen Shangjie H5 krossoweri üçin sargytlar kabul edilip başlandy. Modele bolan gyzyklanma diýseň uly boldy — ilkinji 60 minutda 10 müňden gowrak arza gelip gowuşdy diýip, CarNewsChina habar berýär.
Komplektasiýasyna görä H5-iň bahasy 159,8–199,8 müň ýuan (22,4–28 müň dollar) aralygynda bolýar. Bu bolsa onuň SAIC we Huawei hyzmatdaşlygynyň iň elýeterli krossoweri bolmagyna mümkinçilik berýär. Awtoulaglar müşderilere ýakyn günlerde eltilip başlanar.
Shangjie H5 orta ölçegdäki krossower bolup, onuň uzynlygy 4780 mm, ini 1910 mm, beýikligi 1664 mm, teker bazasy bolsa 2840 mm. Ol iki görnüşde hödürlenýär: gibrid we doly elektrik.
- Gibrid görnüşi 1,5 litrlik generatorly benzin motory we 204 at güýji elektrik motory bilen enjamlaşdyrylan. Elektrik režiminde 235 km çenli, umumy ätiýaçlykda bolsa 1360 km ýol geçýär.
- Elektrik görnüşi 204 ýa-da 245 a.g. motora, şeýle hem 64,6 ýa-da 80 kWt·s batareýa eýe bolup, bir zarýad bilen 525–655 km aralygy geçmäge mümkinçilik berýär.
Awtoulag Huawei autopilot ulgamy (lidar, radarlar, kameralar bilen), howpsuzlyk üçin 7 howa ýassygy, 10,25 we 15,6 dýuýmlyk ekranly multimediasy, panoramaly üçegi, gyzdyryjyly we wentýilýasiýaly oturgyçlary bilen enjamlaşdyrylan.
CarNewsChina ýazmagyna görä, H5-iň ilkinji sagatdaky netijesi gowy bolsa-da, ol öň Aito M7-niň rekordyndan pesdir — şol model bir sagatda 30 müňden gowrak sargyt toplan, hem-de has ýokary bahada hödürlenipdi.
