27-nji sentýabrda Nýurburgring Nordşlýaýfe ýaryş ýolunda NLS çempionatynyň esasy ýaryşy geçirildi. Onda “Formula-1-iň” dört gezek çempiony, niderlandly Maks Werstappen ýeňiji boldy. Ol Ferrari 296 awtomobilinde 22 ýaşly britaniýaly Kristofer Lulhem bilen bilelikde çykyş etdi.
Werstappen ýaryşa üçünji orundan başlady, ýöne eýýäm ilkinji aýlawlarda öňdebaryjylyga çykyp, ýaryşyň ikinji ýarymynda ulagy ýoldaşyna berdi. Werstappen – Lulhem dueti iň ýakyn bäsdeşlerinden 24 sekunt aratapawut bilen pellehana geldi.
Niderlandly sürüji üçin bu GT3 seriýasynda ilkinji ýaryş boldy. Gyzykly ýeri, ol “Formula-1-de” “Red Bull” toparynda çykyş edýän bolsa-da, bu ýaryşda onuň bäsdeşiniň – “Ferrariniň” başyna geçdi.
Ýatlap geçsek, ozal Werstappen Italiýada we Azerbaýjanda “Formula-1-iň” Gran-prisinde ýeňiş gazandy. Çempionatyň häzirki möwsüminde ol umumy sanawda 255 utuk bilen üçünji orny eýeleýär, ondan öňde “Maklareniň” sürüjileri Lando Norris (299) we Oskar Piastri (324) bar.
