Resmi Avatar YouTube kanalynda Jeýms Kemeronyň “Awatar: Ot we kül” filminiň ikinji treýleri peýda boldy. Franşizanyň üçünji bölüminiň premýerasy 19-njy dekabra meýilleşdirilýär.
Täze bölümde tomaşaçylar ilkinji gezek Kül obasyny – Mangkwan urugynyň öýüni görer. Birwagtlar olaryň ýerleri wulkan atylmagy sebäpli ýok edildi, indi bu halk wakanyň täze antagonisti bolar. Hudožnik-ýola goýujy Dilan Koulyň aýtmagyna görä, Kül obasynyň tüm-garaňky we ýowuz keşbi tomaşaçylaryň öwrenişen ýagty we janly Pandorasyna düýbünden çapraz gelýär.
Baş keşpleri Sem Uortington we Zoi Saldana ýerine ýetirdi. Şeýle-de, filme Sigurni Uiwer, Stiwen Leng, Keýt Uinslet, Kliff Kýortis, Britan Dalton, Jek Çempion, Triniti Jo-Li Bliss, Beýli Bass, Joel Dewid Mur, Edi Falko we Dilip Rao gatnaşdy.
Ilkibaşda Kemeron “Suw ýoly” bilen “Ot we külüň” sýužetini bir filmde birleşdirmegi meýilleşdiripdi, ýöne onuň möçberini göz öňünde tutup, wakany bölmek kararyna geldi.
Franşizanyň ilkinji iki filmi dünýä prokatynda 5,2 mlrd dollardan gowrak ýygnady, birinji “Awatar” üç “Oskar” baýragyny aldy.
