HBO Max-yň YouTube kanalynda Stiwen Kingiň romany esasynda surata düşürilen gorkuly franşizasynyň prikwel seriýasy — «Ol: Derrä hoş geldiňiz» atly serialyň treýleri çykdy. Onuň ilkinji görkezilişi platformada 26-njy oktýabrda bolar.
Serialdaky wakalar «Başarsyzlaryň kluby» hakyndaky hekaýadan 27 ýyl öň — 1962-nji ýylda bolup geçýär. Baş gahrymanlar — deň-duşlarynyň ýitirim bolmagy bilen ýüzbe-ýüz bolan ýetginjekler topary. Olaryň derňewi garaňky Derri şäheriniň syrlarynyň açylmagyna we elhenç masgarabaz Penniwaýzyň peýda bolmagyna alyp barýar.
Birinji seriýanyň ssenarisini Jeýson Faç ýazdy. «Ol» we «Ol-2» filmleriniň režissýory Endi Muskietti birnäçe bölümde, şol sanda ilkinji bölümde režissýorlyk etdi.
Penniwaýzyň roluna öň bu keşbi gaýtalamakdan boýun towlan Bill Skarsgard dolandy. Serialda şeýle hem Ýowan Adepo, Teýlur Peýj, Kris Çok we Jeýms Remar çykyş edýärler.
Taslama üç möwsüme niýetlenendir. Ikinji möwsümde 1930-njy ýyllaryň wakalary görkeziler, üçünjide bolsa XX asyryň başlary. Dowamy ilkinji möwsümiň üstünliklerine bagly bolar.
«Ol» we «Ol-2» filmleri dünýäde umumylykda 1,7 mlrd dollardan gowrak girdeji toplapdy.
