Universal studiýasy “Zalym: Baky” (Злая: Навсегда) mýuzikliniň ahyrky treýlerini görkezdi. Film geçen ýylky “Günbataryň jadygöýi barada ertekiniň” (Сказка о ведьме Запада) dowamy bolar we 21-nji noýabrda halkara prokata çykar.
Filmde baş keşpleri ýene-de “Oskar” baýragyna dalaşgärler Sintiýa Eriwo we Ariana Grande ýerine ýetirdi. Wakanyň üns merkezinde öz jadygöýlik ukyby sebäpli Oz ýurdundan kowulýan ýaşyl jadygöý Elfaba (Eriwo) durýar. Ol häkimiýetden gizlenmeli bolýar, onuň jorasy Glinda (Grande) bolsa ýaşaýjylaryň arasynda abraýdan peýdalanýar.
Filmi birinji bölümiň üstünde işlän režissýor Jon M.Çu düşürdi. Aktýorlar düzümine Jonatan Beýli, Mişel Ýeo we Jeff Goldblýum hem girdi.
“Zalym” Gregori Maguaýryň 1995-nji ýyldaky romanyna we 2003-nji ýyldaky adybir brodweý mýuzikline esaslanýar. Hekaýat L.Frenk Baumyň “Oz ýurdunyň jadygöýi” filminiň özboluşly prikwelidir. Birinji film dünýä prokatynda 756 mln dollar gazandy.
