«Türkmenistan» awiakompaniýasy 1-nji oktýabrdan başlap Aşgabat – Türkmenbaşy ugry boýunça howa gatnawlarynyň sanyny günde üç gezekden iki gezege çenli azaldar. Täzelenen tertip awiakompaniýanyň resmi saýtynda ýerleşdirildi.
Beýleki içerki ugurlar boýunça uçuşlaryň ýygylygy öňküligine galýar. Aşgabat – Balkanabat we Aşgabat – Daşoguz ugurlaryna hepdede bäş gatnaw, Aşgabat – Türkmenabat ugruna alty gatnaw, Aşgabat – Mary ugruna üç gatnaw, Aşgabat – Kerki ugruna bolsa iki gatnaw amala aşyrylar.
Şol bir wagtyň özünde sebit merkezleriniň arasynda hem göni howa gatnawlary dowam eder. Daşoguzdan Balkanabat, Türkmenabat we Mary şäherlerine, Türkmenabatdan Balkanabata, Mary bilen Kerkiden hem Balkanabada uçuşlar üpjün ediler.
Awiakompaniýa uçuş wagtynyň tehniki we ýerine ýetiriliş şertlerine görä üýtgäp biljekdigini belleýär. Käbir giçki gatnawlar bolsa, barmaly nokadyna ertesi gün ýetýär.
Uçuşlaryň doly tertibi we wagty bilen tanyşmak üçin ýolagçylara öňünden awiakompaniýanyň resmi sahypasyny barlamak maslahat berilýär.
