iFixit-iň hünärmenleri täze iPhone Air modelini söküp gördüler we inçe korpusyna garamazdan, telefonyň bejermek üçin amatlydygyny aýtdylar.
Bilermenleriň aýtmagyna görä, detallaryň aglaba bölegi korpusyň ýokarky böleginde — kamera blogunyň golaýynda jemlenipdir. iFixit blogunda modeliň içki gurluşyny görkezýän 3D-rentgen suraty hem paýlaşyldy.
Aýratynam bellenilişi ýaly, batareýany çalyşmak öňküsi ýaly aňsat. Bu bolsa metal korpusa we Apple-iň geçen ýyl ilkinji gezek hödürlän ýörite ýelim lentalaryna baglydyr. Ol lentalaryň kömegi bilen üçünji tarap öndürijileriniň batareýalaryny hem ulanyp bolýar.
Mundan başga-da, iPhone Air-de çalşylýan modul görnüşli USB-C port bar. Ol döwlen halatynda täze port bilen çalşyp bolýar.
Täze aýratynlyklaryň biri hem — OLED-displeýe degmän korpusy açyp bolmagydyr. Munuň özi ilkinji gezek iPhone 14-de ulanylan orta ramka gurluşy bilen mümkin boldy.
Netijede, iFixit iPhone Air-iň abatlaýyş derejesini 10-dan 7 bala bahalady. Mundan öň şeýle netijä iPhone 16e we iPhone 16 Pro modelleri hem eýe bolupdy.
