“Tagt oýunlarynyň” ýyldyzy Kit Harington Çarlz Dikkensiň “Iki şäher hakyndaky powestler” atly täze ekranlaşdyrylmasynda baş keşpleriň birini ýerine ýetirer. Dört bölümli mini serialy Bi-bi-si bilen MGM + döredýär diýip, Variety habar berdi.
Hong Hao (“Mister Lawrman”) taslamanyň režissýorlygyna bellendi, edebi esasyny Daniel Uest (“Däri”, “Top Boý”) ýazar.
Film 2025-nji ýylyň oktýabr aýynda surata düşürilip başlanar. Filmiň ýordumy Parižden gelen habardan soň durmuşy üýtgän Lýusi Manetiň töwereginde ýaýbaňlanýar: ýigrimi ýyla golaý wagtlap ölendir öýdülýän kakasynyň diri bolmagy mümkin. Wakalar 1782-nji ýylda, Fransiýa bilen Britaniýanyň arasyndaky söweşiň fonunda bolup geçýär.
Mirren Mak Lýusiniň keşbini, Harington bolsa fransuz emigranty Şarl Darneýi halas etmek üçin gyzyň ýüz tutan aklawçysy Sidneý Kartonyň keşbini ýerine ýetirer. Darneýiň keşbinde Fransua Siwil çykyş eder. Gahrymanlar söýgi üçburçlugynyň merkezinde durarlar we nikalardan hem-de adam öldürmek ýaly betbagtçylyklardan başlap, umumy synaglar bilen baglanyşykly bolar.
Bu şüweleňiň ýerine ýetiriji prodýuserleri Polli Uilliams, Sara Best (Federation Stories), Leo Bekker (Federation Studio France), şeýle hem Kit Harington we Deniel Uest (Thriker Films) bolar. Seriala Saýmon Meýers prodýuserlik eder.
Ilkinji görkezilişini 2026-njy ýylda geçirmek meýilleşdirilýär.
