Şu ýylyň dekabrynda Hytaýyň China Eastern Airlines awiakompaniýasy Şanhaý bilen Buenos-Aýresiň (Argentina) arasynda täze gatnaw ugruny açar. Bu dünýädäki iň uzak göni uçuş bolar diýip, China Daily ýazýar.
Bu ýoluň uzynlygy 19 631 kilometre barabar bolar. Şanhaýdan gaýdanda uçuş wagty takmynan 25 sagat 30 minut, yza gaýdyşda bolsa uçuş 29 sagada golaý dowam eder, bu garşylyklaýyn ýel bilen düşündirilýär. Uçuşlar, Oklendde tehniki duralga bilen, Boeing 777-300ER uçarlarynda amala aşyrylar. Ýolagçylar tranzit zolagynda galar we olara gatnaw ugruny üýtgetmek gerek bolmaz.
Deňeşdirmek üçin, üznüksiz uçuşlar boýunça häzirki rekord Singapore Airlines tarapyndan ýerine ýetirilýän Singapur-Nýu-Ýork ugrunda (17 662 km, takmynan 19 sagat) saklanýar. Ekonom-klas gatnawlarynyň arasynda rekord Air China-ä degişlidir: Pekin - San-Paulu Madridiň üsti bilen (17 583 km).
