Amerikanyň Walt Disney, Universal we Warner Bros. Discovery kino kompaniýalary Comcast korporasiýasy bilen bilelikde, emeli aň esasly şekil generatory Hailuo AI-ni döreden Hytaýyň MiniMax kompaniýasyny kazyýete berdi. Bu barada Reuters agenligi habar berýär.
Studiýalar döredijileri awtorlyk hukuklaryny bozmakda we olaryň intellektual eýeçiligini neýroulgama öwretmekde aýyplaýarlar. Arza berijileriň sözlerine görä, MiniMax Hailuo AI-ni "jübiňizdäki Golliwud studiýasy" hökmünde tanatmak üçin meşhur film gahrymanlaryny “edepsizlik bilen” ulanypdyr.
Talap arzasynda hukuklary kompaniýalara degişli gahrymanlaryň keşpleriniň mahabat üçin ulanylandygyny görkezilýär. Ulanyjylar “Ýyldyzlar söweşinden” Dart Ueýderiň, “Nejis menden” minýonlaryň keşbini we Gudratly aýal ýaly gahrymanlary öz içine alýan şekilleri we wideolary döredip bilerdiler.
Arzaçylar MiniMax-yň düzgün bozmagy bes etmek baradaky talaby ýerine ýetirmandigini we ABŞ-nyň kanunlaryny äsgermezlik edendigini öňe sürdüler. Indi olar awtorlyk hukuklaryny goramak mehanizmi bolmasa, Hailuo AI-e hyzmatyny hödürlemegiň gadagan edilmegini gazanmak isleýärler.
Disney we Universal ozal şuňa meňzeş funksiýaly başga bir hyzmata – Midjourney-e garşy arza beripdiler.
