Günorta Afrikanyň kazyýeti adamsyna aýalynyň familiýasyny almagy gadagan edýän kanuny ýatyrdy diýip, BBC neşiri habar berýär.
Bu kanuna täzeden garalmagyna iki är-aýalyň talap arzalary sebäp boldy. Genri wan der Merwe aýaly Ýana Ýordanyň familiýasyny almak isledi, Andreas Bornman bolsa familiýasyny aýaly Jess Donneliniň familiýasynyň bir bölegini öz içine alýan goşa familiýa üýtgetmek isledi.
Kazyýet jedel döreden kanuny köne "kolonial miras" we patriarhal galyndy diýip ykrar etdi. Bu kararyň Günorta Afrikanyň 1994-nji ýyldaky konstitusiýasynda göz öňünde tutulan deňlik ýörelgelerini bozýandygyny nygtady.
Şeýle hem kazylar afrikan medeniýetleriniň köpüsinde hut aýallaryň öz familiýalaryny saklandygyny we olary üýtgetmek tejribesiniň Ýewropanyň kolonial täsiri bilen baglanyşyklydygyny bellediler.
Kararyň güýje girmegi üçin Günorta Afrikanyň Parlamenti Dogluşy we aradan çykyşy hasaba alyş kanunyna üýtgetmeleri girizmeli. Ýurduň Içeri işler we Adalat ministrlikleri häzirki hereket edýän düzgünleriň könelendigi we täzelenmelidigi bilen ylalaşdy.
