Türkmenistan we ÝUNFPA täze ýurt maksatnamasynyň çäklerinde hyzmatdaşlygy maslahatlaşdy

  • 16.09.2025 20:14
  • 2k+
Türkmenistan we ÝUNFPA täze ýurt maksatnamasynyň çäklerinde hyzmatdaşlygy maslahatlaşdy

16-njy sentýabrda Türkmenistanyň daşary işler ministriniň orunbasary Mähri Bäşimowa BMG-niň Ilat Gaznasynyň (ÝUNFPA) Türkmenistandaky ýurt boýunça direktory Çinwe Ogbonna bilen wideoaragatnaşyk ulgamy arkaly duşuşyk geçirdi. Bu barada Türkmenistanyň DIM-nde habar berdiler.

Duşuşygyň dowamynda diplomatlar Türkmenistanyň hem-de ÝUNFPA-nyň arasyndaky ileri tutulýan ugurlar boýunça hyzmatdaşlygy berkitmegiň ähmiýetini nygtadylar.
2025-nji ýylyň 28-nji awgustynda Nýu-Ýork şäherinde geçirilen UNFPA-nyň Ýerine ýetiriji geňeşiniň Ikinji yzygider mejlisinde 2026–2030-njy ýyllara niýetlenen ÝUNFPA-nyň Türkmenistan üçin ýurt maksatnamasynyň tassyklanandygy aýratyn bellenildi.
Şeýle hem duşuşykda bilelikdäki ylalaşyklary we meýilnamalary mundan beýläk-de ösdürmek bilen baglanyşykly käbir meseleler ara alnyp maslahatlaşyldy.
Duşuşygyň ahyrynda taraplar hyzmatdaşlygy mundan beýläk-de ösdürmäge özara gyzyklanma bildirip, täze Ýurt boýunça maksatnamanyň çäklerinde bilelikdäki taslamalary durmuşa geçirmäge taýýardyklaryny tassykladylar.

Türkmen halkynyň Milli Lideri Germaniýada iş maslahatyny geçirdi
düýn 12:31
4.9k+

Türkmen halkynyň Milli Lideri Germaniýada iş maslahatyny geçirdi

Türkmenistanyň Halk Maslahatynyň Başlygy Gurbanguly Berdimuhamedow ABŞ-a saparyny tamamlap, Germaniýa Respublikasyna bardy we bu ýerde degişli ýolbaşçylarynyň gatnaşmagynda iş maslahatyny geçirdi. Bu barada TDH habar berýär...

Gurbanguly Berdimuhamedow ABŞ-nyň tanymal syýasatşynas işewür adamlary bilen duşuşdy
düýn 12:21
5.9k+

Gurbanguly Berdimuhamedow ABŞ-nyň tanymal syýasatşynas işewür adamlary bilen duşuşdy

Türkmenistanyň Halk Maslahatynyň Başlygy Gurbanguly Berdimuhamedow ABŞ-a saparynyň çäklerinde bu ýurduň tanymal syýasatşynas işewür adamlary bilen duşuşdy. Bu barada TDH habar berýär. Türkmen halkynyň Milli Lideri işewürler Stiw Winn, Aýzek Perlmutter, “Oxbow Group” kompaniýasynyň Dolandyryjylar geňeşiniň başlygy Wilýam Koh bilen duşuşdy...

Gurbanguly Berdimuhamedow ABŞ bilen söwda-ykdysady hyzmatdaşlygyň häzirki ýagdaýy barada aýtdy
düýn 11:35
5.2k+

Gurbanguly Berdimuhamedow ABŞ bilen söwda-ykdysady hyzmatdaşlygyň häzirki ýagdaýy barada aýtdy

Amerikan kompaniýalarynyň gatnaşmagynda Türkmenistanda umumy bahasy 45 milliard ABŞ dollaryna golaý bolan ýüzlerçe ykdysady taslamalar amala aşyryldy we aşyrylýar. Bu barada Türkmenistanyň Halk Maslahatynyň Başlygy “Al-Arabiýa” teleýaýlymynyň esasy alyp baryjysy Rizwan Han bilen intwerýusynda aýtdy...

Gurbanguly Berdimuhamedow Türkmenistanyň gaz eksporty, Transhazar gaz geçirijisiniň geljegi barada garaýyşlaryny beýan etdi
düýn 11:20
6.1k+

Gurbanguly Berdimuhamedow Türkmenistanyň gaz eksporty, Transhazar gaz geçirijisiniň geljegi barada garaýyşlaryny beýan etdi

Türkmenistan häzirki zaman geoykdysady şertlerde energetika strategiýasyny, şol sanda halkara bazarynda örän jogapkärçilikli, oýlanyşykly esasda şekillendirýär. Bu barada Türkmenistanyň Halk Maslahatynyň Başlygy “Al-Arabiýa” teleýaýlymynyň esasy alyp baryjysy Rizwan Han bilen intwerýusynda aýtdy...