Türkmenistanyň Merkezi banky «Zümerret zergärçilik önümleri» zergärçilik dükanynyň binasynda abatlaýyş işlerini geçirmek boýunça bäsleşik yglan etdi. Bu bina Aşgabat şäherinde Bitarap Türkmenistan şaýolunyň ugrunda ýerleşýär.
«Neýtralnyý Türkmenistan» gazetinde çap edilen habara görä, binanyň mermer örtüklerini täzelemek we posdan zeper ýeten beton böleklerini dikeltmek göz öňünde tutulýar. Mundan başga-da, binanyň golaýyndaky ýerleriň daş örtüklerinde hem abatlaýyş işleri alnyp barlar.
Gyzyklanýan taraplar goşmaça maglumatlary Aşgabat şäheri, Bitarap Türkmenistan şaýoly, 36 salgysyndan alyp bilerler.
Soraglar üçin telefonlar: (+993-12) 38-10-27, 38-15-25, 38-14-25.
