12-nji sentýabrda Hytaýyň uly onlaýn platformalarynda täze iPhone 17 smartfonlary üçin deslapky sargytlar başlandy. JD.com-yň maglumatlaryna görä, sargyt kabul edilip başlanandan soňky bir minutyň içinde iPhone 17-niň satuwy iPhone 16 hatarynyň ilkinji günündäki satuw möçberinden hem köp bolup, täze rekord goýdy.
Deslapky sargytlaryň sany boýunça jikme-jik maglumatlar hödürlenmeýär.
ITHome portaly diňe JD.com platformasynda bir günde diýen ýaly tas 6 mln sargydyň kabul edilendigini ýazýar. Bu ýerde iň meşhur model esasy iPhone 17 boldy (2,694 mln deslapky sargyt). Soňra iPhone 17 Pro Max (1,744 mln sargyt) we iPhone 17 Pro (1,402 mln sargyt) gelýär.
Kompaniýanyň taryhynda iň inçe model bolan iPhone Air Hytaýda soňky pursatda deslapky sargytlar üçin elýeterli modelleriň sanawyndan aýryldy. Apple kompaniýasy hytaý häkimiýetleri bilen eSIM kartlaryny ulanmak babatyndaky meseläni ylalaşýança, smartfonyň satuwa çykmagy soňa goýuldy.
