Kalimantan adasynyň Indoneziýa böleginde ýerleşýän Paau obasynda çen bilen bürünç eýýamyna degişli seýrek guýguç şekilli palta tapyldy. Onuň ýaşy takmynan 3000 ýyl töweregi.
Radar Banjarmasin gazetiniň habaryna görä, bu artefakt 1983-nji ýylda ýerli ýaşaýjy tarapyndan altyn gözleýän mahaly tötänleýin tapyldy we jemgyýetçilige indi mälim boldy. Paau - uzakda ýerleşýän 600 töweregi ilatly kiçijik obadyr. Oňa diňe gaýykly baryp bolýar.
Tapyndyny ýerli mifler bilen baglanyşdyrýarlar: bu ýerdäki adamlar şular ýaly zatlaryň ýyldyrym çakandan soň peýda bolýandygyna ynanýardylar. Şeýle-de bolsa, alymlar paltanyň eredilen meteorit jynsyndan ýasalandygyny çak edýärler.
Paltanyň niýetlenen maksady esasan simwolik bolupdyr. Artefaktyň çylşyrymly formasy we çaklaň ölçegi onuň status funksiýasyny görkezýär, bu bolsa ony hojalykda ulanmaga ýaramsyz edýär.
Häzir obýekt onuň hakykylygyny tassyklamak üçin goşmaça barlaglaryň geçirilmegini talap edýär. Eger onuň hakykydygy anyklanylsa, Kalimantanyň gadymy ýaşaýjylarynyň bürünç eýýamynda eýýäm metaly işläp bejermegiň usullaryny bilendigini subut eder. Şeýle tapyndy sebitiň geçmişi barada täze bilimleri berip biler.
