Indoneziýa ekspatlar üçin iň gowy ýurtlaryň täze global reýtinginde birinji orny eýeledi

Indoneziýa InterNations Expat Insider jemgyýeti tarapyndan düzülen, ekspatlaryň ýaşamagy üçin iň amatly we dostlukly ýurtlaryň täze reýtinginde birinji orny eýeledi.

Bilermenler Indoneziýanyň Bali adasyny ösen infrastrukturasy, elýeterli ýaşaýyş çykdajylary we ýörite wiza maksatnamalary sebäpli uzak aralykdan işleýän işgärler üçin iň gowy ýer hökmünde kesgitlediler.

Kolumbiýa sanawda ikinji orny eýeledi, daşary ýurtlular ýerli ýaşaýjylaryň açyklygyny we Medelýinde ýerleşmegiň aňsatdygyny öwdüler. Pikirsoraşmanyň esasynda ýerli jemgyýete goşulyşyp gitmek iň aňsat ýurtlaryň sanawy düzüldi.

InterNations Expat Insider 2025-iň maglumatlaryna görä, ekspatlara iň dostlukly ýurtlaryň 10-sy:

1. Indoneziýa
2. Kolumbiýa
3. Meksika
4. Filippinler
5. Braziliýa
6. Panama
7. Oman
8. Taýland
9. Keniýa
10. Wýetnam