Alymlar Patagoniýadaky magellan pingwinleriniň aýaklaryna ýumşak silikon bilezikleri dakdylar, bu bolsa ummanyň senagat taýdan "hemişelik himiki maddalar" bilen hapalanmagy barada maglumat toplamaga mümkinçilik berdi.
Synag barlagynda barlanan guşlaryň 91% -iniň azyndan bir görnüşli zäherli birleşmä (PFAS) duçar bolandygy anyklandy diýip, Earth: Environmental Sustainability žurnalynda habar berilýär .
Pingwinler adamlar üçin barmasy kyn suw akwatoriýasynda uzak aralyklary ýüzüp geçip bilýändigi üçin "gözegçi" haýwanlar hökmünde saýlandy. Adaty gözegçilik usullary, ýagny ganyň ýa-da ýelegiň nusgalarynyň alynmagy guşlara şikes ýetirýärdi. Täze silikon daňylar passiw nusga alyjy hökmünde hereket edýär we pingwinler gündelik durmuşynda hereket edýärkäler suwdaky we toprakdaky hapa maddalary özüne siňdirýär.
Pingwinleriň 55 sanysynyň gatnaşmagynda geçirilen tejribe dokuz dürli howply birleşmeleri anyklady. Hapalanmanyň derejesi möwsüme we höwürtgeleýän ýerine baglylykda üýtgeýärdi, bu bolsa daşky gurşawyň ýagdaýyna baha bermekde bu usulyň netijelidigini tassyklaýar.
Barlagçylar bu programmany giňeltmekçi bolýarlar, sebäbi ol arzan düşýär we ýabany tebigata zyýan ýetirmeýär.
