13-14-nji sentýabrda Ýer ýüzünde G2–G3 derejesindäki (bäş derejeli şkalada ikinji we üçünji dereje) magnit tupanlarynyň bolmagyna garaşylýar. Bu barada Russiýanyň Ylymlar akademiýasynyň Kosmos barlaglary institutynyň Gün astronomiýasy laboratoriýasy hem-de Gün–Ýer fizikasynyň Sibir bölüminiň institutynda habar berildi.
Bilermenleriň maglumatyna görä, bu hadysanyň sebäbi Günüň görünýän ýüzünde adatdan daşary uly ekwatorial koronaly deşigiň peýda bolmagydyr. Ol 11-nji sentýabrda Günüň diskiniň merkezinde ýüze çykdy we ýokary tizlikdäki gün şemallary häzirki wagtda Ýere tarap gönükdirildi. Olaryň täsirine ýakyn günlerde garaşylýar.
Sentýabr aýynyň ilkinji günlerinden bäri geomagnit işjeňligi ýokary derejede dowam edýär. Aýyň ilkinji on gününde dünýä derejesinde üç magnit tupany hasaba alyndy — 2-nji, 6-njy we 10-njy sentýabrda. Mysal üçin, 2025-nji ýylyň awgust aýynda diňe bir magnit hadysasy — 8-inden 9-yna geçilýän gije bellige alyndy.
