Opta analitiki kompaniýasynyň superkompýuteri toparlaýyn tapgyr başlamazdan öň 2025/26 möwsüminiň Çempionlar ligasynda ýeňiş gazanmak üçin esasy dalaşgäri aýtdy.
Superkompýuter uly artykmaçlygy Angliýanyň “Liwerpul” klubuna berýär. Onuň maglumatlaryna görä, toparyň dörtden bir finala çykmak ähtimallygy 72,7%, ýarym finala – 51,5%, finala – 34%, ahyrky ýeňiş üçin 20,4% diýlip hasaplanýar.
Ýeňiş gazanyp biljek toparlaryň sanawynda ikinji orunda Londonyň “Arsenaly” ýerleşdirildi – onuň ýeňiş gazanmak ähtimallygy 16%-e deň. Şeýle-de, ilkinji onluga ýaryşyň häzirki ýeňijisi “Pari Sen-Žermen” (12,1%), “Mançester Siti” (8,4%), “Barselona” (8,4%), “Çelsi” (7%), Madridiň “Realy” (5,8%), “Bawariýa” (4,3%), “Inter” (3%) we “Nýukasl” (3%) girýär.
Toparlaýyn tapgyrda “Liwerpul” “Real”, “Atletiko”, “Inter”, “Aýntraht”, “PSW”, “Marsel”, “Karabah” we “Galatasaraý” bilen oýnar.
Birinji tapgyr 16-njy sentýabrda geçer, jemleýji tapgyr 2026-njy ýylyň 28-nji ýanwarynda bolar.
Esasy tapgyra 36 klub gatnaşýar. Iň gowy sekiz klub gönüden-göni 1/8 finala çykar, 9 – 24-nji orunlary eýelän toparlar pleý-offda oýnar. Her topar dürli garşydaşlar bilen sekiz oýun – öýde dört we myhmançylykda dört oýun oýnamaly.
Ýatlap geçsek, “Liwerpul” geçen tomusky transfer penjiresinde düzümi güýçlendirmek üçin rekord 483 mln ýewro sarp etdi.
