Manhart awtobezeg atelýesi BMW M5-iň esasynda täze taslama hödürledi. Model MH5 900E adyny aldy. Sedanyň gibrid güýç enjamynyň kuwwaty 727 at güýjünden we 1000 Nm-den 910 at güýjüne we 1200 Nm aýlanma güýjüne çenli artdyryldy. Ulagyň asma ulgamy (podweska), daşky görnüşi we interýeri gaýtadan işlendi.
Güýç enjamynyň elektrik bölegi üýtgedilmedi. 4,4 litrlik S68 benzin hereketlendirijisi bolsa dolandyryş blogunyň çalşylmagy we turbinalaryň basyşynyň artdyrylmagy bilen kämilleşdirildi. Şeýle-de, 8 basgançakly “awtomatyň” iş algoritmi üýtgedildi. Gaz çykarýan ulgam poslamaýan polatdan ýasaldy we dört turba eýe boldy.
Karbon-keramiki tormoz üýtgewsiz galdy. Ýöne Manhart müşderiniň islegi bilen onuň sazlamasyny-da üýtgedip biler. Saýlamak üçin asgyjyň iki görnüşi hödürlenýär – H&R-den ýa-da KW Suspensions-dan. Tigir diskleri öňde 21 ýa-da 22 dýuým, yzda hemişe 22 dýuým bolup bilýär.
Kuzow Manhart-yň özi tarapyndan döredilen karbon elementleriniň toplumyna eýe boldy: spoýler goşundysy, bagaž ýeriniň gapagynda “ördek guýrugy”, üçekde spoýler, diffuzor, gapdal goşundylary. Mundan başga-da, altynsow firma ýelmentgileri ulanyldy.
Interýere Manhart haşamly halyçalar we alkantaradan potolok goşuldy.
