Netflix akym hyzmaty “Samuraýlaryň soňkusy” (Last Samurai Standing) ýapon serialynyň ilkinji tizerini hödürledi. Ilkinji iki bölümiň premýerasy 2025-nji ýylyň 18-nji sentýabrynda Pusandaky 30-njy halkara kinofestiwalynda bolar, alty bölümiň ählisi 13-nji noýabrda platformada çykar.
Sýužet XIX asyryň ahyrynda, Meýdzi döwründe ýaýbaňlanýar. 292 samuraý 100 mlrd ýena pul baýragy üçin ýaryşa gatnaşýar.
Waka Sýogo Imamuranyň “Hikuidori” romanyna we adybir ýapon mangasyna esaslanýar.
Serialda baş keşbi ýapon kinosynyň ýyldyzy Dzýuniti Okada ýerine ýetirdi. Ol prodýuser we söweş sahnalarynyň horeografy hökmünde-de çykyş etdi.
“Haçan-da gürrüň samuraýlar barada bolanda, adamlar Ýaponiýanyň taryhynda gahrymançylykly döwri göz öňüne getirýär. Ýöne Edo döwrüniň ahyryna çenli samuraýlar öňki şöhratyny we güýjüni ýitirdi. “Last Samurai Standing” Ýaponiýada iň güýçli we ussat söweşijileriň birden adaty adama öwrülip, öz ýaşaýşy üçin göreşmeli bolsa, nämäniň boljakdygyny öwrenýär. “Sýogun” bilen “Kalmar oýnunyň” garyşygyny göz öňüne getiriň” – diýip, Netflix Japan-yň kontent müdiriniň ýolbaşçysy Kaata Sakamoto belleýär.
