Türkmenistanyň Gyzyl Ýarymaý milli jemgyýeti Kataryň we Russiýanyň guramalary bilen Ähtnamalara gol çekişdi

  • 08.09.2025 11:44
  • 10k+

4-5nji sentýabrda Aşgabatda GDA ýurtlarynyň Gyzyl Haç we Gyzyl Ýarymaý milli jemgyýetleriniň ýolbaşçylarynyň, şeýle hem Halkara Gyzyl Haç we Gyzyl Ýarymaý jemgyýetleriniň federasiýasynyň hem-de Halkara Gyzyl Haç komitetiniň wekilleriniň duşuşygy geçirildi.

Duşuşykda Türkmenistanyň Gyzyl Ýarymaý milli jemgyýeti bilen Kataryň Gyzyl Ýarymaý jemgyýetiniň, şeýle hem Türkmenistanyň Gyzyl Ýarymaý milli jemgyýeti bilen Russiýanyň Gyzyl Haç jemgyýetiniň arasynda özara düşünişmek baradaky Ähtnamalara gol çekildi. Bu resminamalar ynsanperwerlik we meýletinçiler hereketi ugurlarynda hyzmatdaşlygy ösdürmäge gönükdirilendir.

Kataryň Gyzyl Ýarymaý jemgyýetiniň wise-prezidenti Ebrahim Haşim Al-Sada Ähtnamanyň tejribe alyşmaga we Merkezi Aziýada hyzmatdaşlygy giňeltmäge mümkinçilik döredýändigini belledi. Russiýanyň Gyzyl Haç jemgyýetiniň başlygy Pawel Sawçuk bolsa, adatdan daşary ýagdaýlara jogap bermekde Russiýanyň tejribesiniň türkmen kärdeşleri üçin peýdaly boljakdygyny, şol sanda mobil nokatlar we çadyrlarda işlemek boýunça okuwy öz içine alýandygyny aýtdy.

Iki günläp dowam eden duşuşyk «Parahatçylyk we ynanyşmak ýyly – ynsanperwerlik we bitaraplyk» şygary astynda geçdi. Onda Milli jemgyýetleriň ösüşi, halkara ynsanperwerlik hukugy, meýletinçileriň çekilmegi we kanunçylyk bilen kadalaşdyryş meseleleri ara alnyp maslahatlaşyldy. Çäre Türkmenistanyň hemişelik bitaraplygynyň 30 ýyllygyna hem-de Halkara parahatçylyk we ynanyşmak ýylyna bagyşlandy.


şu gün 15:46
556

Tähranda Azady binasy we Ankaranyň iň beýik binalary Türkmenistanyň baýdagynyň reňkine bezeldi

27-nji sentýabrda Eýranyň paýtagty Tähranyň Azady meýdançasynda we Ankarada Türkiýäniň söwda-senagat palatasynda we birža birleşiginiň binasynda Türkmenistanyň döwlet baýdagynyň şekiliniň reňkli yşyklandyryşy guraldy...

şu gün 10:11
2.8k+

Gurbanguly Berdimuhamedow “Buig” kompaniýasynyň ýolbaşçylaryny kabul etdi

26-njy sentýabrda Türkmenistanyň Halk Maslahatynyň Başlygy Gurbanguly Berdimuhamedow “Buig” kompaniýalar toparynyň ýolbaşçysy Marten Buig bilen duşuşdy. Duşuşyga “Buig” kompaniýasynyň Baş direktorynyň orunbasary...

şu gün 09:58
1.4k+

Serdar Berdimuhamedow “IGN FI” fransuz kompaniýasynyň ýolbaşçysyny kabul etdi

28-nji sentýabrda Prezident Serdar Berdimuhamedow “IGN FI” fransuz kompaniýasynyň ýolbaşçysy Oliwýe Delumo bilen duşuşdy. Myhman baýramçylyk dabaralaryna gatnaşmak üçin Türkmenistana geldi. Işewür Türkmenistana ilkinji gezek gelip görýändigini hem-de Aşgabadyň, türkmen halkynyň baý medeni mirasynyň özünde uly täsirleri galdyrandygyny buýsanç bilen belledi...

şu gün 09:47
1.4k+

Türkmenistanyň Prezidenti “Toyo Engineering” ýapon kompaniýasynyň ýolbaşçysy bilen duşuşdy

28-nji sentýabrda  Aşgabat atçylyk sport toplumynda guralan baýramçylyk at çapyşygynyň geçirilýän pursatlarynda Prezident Serdar Berdimuhamedow “Toyo Engineering Corporation” ýapon kompaniýasynyň prezidenti, baş ýerine ýetiriji direktory, wekilçilik müdiri Eiji Hosoi bilen duşuşdy...