Samsung kompaniýasy Wýetnamda möhüm sepgide ýetdi: 2009-njy ýylyň aprelinde bu ýurtda zawodlar işe girizileni bäri günorta koreý kompaniýasy bu ýerde 2 milliarddan gowrak smartfon çykardy diýip, ýerli VietnamPlus neşiri habar berýär.
Bu waka 26-njy awgustda resmi taýdan bellenildi.
Kompaniýanyň Baknindäki we Thaý Nguendäki zawodlary Samsung-yň üpjünçilik zynjyrynda möhüm orun eýeleýär. Bu ýerde arzan Galaxy smartfonlaryndan başlap, flagman smartfonlar, şol sanda eplenýän Galaxy Z Fold 7 öndürilýär. Enjamlaryň ep-esli bölegi Demirgazyk Amerika we beýleki möhüm bazarlara iberilýär.
2025-nji ýylyň birinji ýarymynda Samsung Vietnam-yň girdejisi 31,6 milliard ABŞ dollaryna barabar boldy, şolardan 28 milliard dollar eksportyň paýyna düşdi. Zawodlarda 100 000-den gowrak adam işleýär, bu hem kompaniýany sebitiň tehnologiýa pudagynda iň uly daşary ýurt maýadaryna öwürýär.
Beýleki ýurtlar bilen deňeşdirilende, Wýetnam Samsung-yň Hindistandaky, Günorta Koreýadaky, Braziliýadaky we Indoneziýadaky zawodlaryndan ozduryp, kompaniýanyň telefon çykarmak boýunça iň uly önümçilik bazasy boldy.
Şeýle-de, Samsung Wýetnamda ylmy gözlegler boýunça işleri we displeýleriň önümçiligini giňeltmegi meýilleşdirýär.
