Serdar Berdimuhamedow Týanszinde Si Szinpin bilen duşuşdy

  • 01.09.2025 16:33
  • 8.2k+

31-nji awgustda Türkmenistanyň Prezidenti Serdar Berdimuhamedow Hytaý Halk Respublikasyna iş saparynyň ilkinji gününde “Meýszýan” sergi we maslahatlar merkezine bardy. Merkeziň foýesinde Türkmenistanyň Prezidentini HHR-iň Başlygy Si Szinpin hem-de onuň maşgalasy mähirli garşyladylar we bilelikde surata düşdüler.

Sammite gatnaşýan wekiliýet ýolbaşçylarynyň bilelikde surata düşmek dabarasyndan soňra, bu ýerde belent mertebeli myhmanlaryň hormatyna HHR-iň Başlygy Si Szinpiniň we onuň maşgalasy Pen Liýuanyň adyndan agşamlyk nahary berildi.
Şu gün — 1-nji sentýabrda HHR-de Şanhaý Hyzmatdaşlyk Guramasynyň döwlet Baştutanlarynyň Geňeşiniň mejlisi geçirilýär. Onuň günüň ikinji ýarymynda «ŞHG+» formatynda guraljak ýokary derejeli duşuşygyna Prezidentimiz Serdar Berdimuhamedow hem hormatly myhman hökmünde gatnaşar.
Ýeri gelende bellesek, ŞHG öz gözbaşyny 1996-njy ýylda esaslandyrylan «Şanhaý bäşliginden» alyp gaýdyp, 2001-nji ýylda düzüminiň giňeldilmegi bilen, ol «Şanhaý Hyzmatdaşlyk Guramasy» diýlip atlandyryldy. Häzirki wagtda bu düzüme agza ýurtlaryň 10-sy — Hindistan, Eýran, Gazagystan, Hytaý, Gyrgyzystan, Pakistan, Russiýa, Täjigistan, Özbegistan we Belarus Ýewraziýa yklymynyň 65 göterimini eýeläp, Ýer ýüzüniň ilatynyň tas ýarysy şu ägirt uly giňişlikde ýaşaýar.
2024-2025-nji ýyllarda Şanhaý Hyzmatdaşlyk Guramasynda Hytaý Halk Respublikasy başlyklyk edýär. «Şanhaý ruhuny» ilerledip: ŞHG hereketde» mowzugynda geçirilýän häzirki sammit bolsa ýurtda geçen döwürde ŞHG-niň ugry boýunça guralan dürli mazmunly çäreleriň jemini jemlär. Oňa 20-den gowrak ýurtdan döwlet we hökümet Baştutanlary gatnaşýarlar. Hormatly myhmanlaryň hatarynda BMG-niň Baş sekretary Antoniu Guterriş we beýleki iri halkara guramalaryň ýolbaşçylary-da bar. Guramanyň taryhynda iň giň wekilçilikli sammit hökmünde tapawutlanýan nobatdaky ýokary derejeli duşuşykda bu düzümiň bir ýylda alyp baran işlerine syn berlip, ony institusional taýdan has-da kämilleşdirmegiň, syýasy, ykdysady, ynsanperwer ugurly özara gatnaşyklaryň, umumy howpsuzlygy üpjün etmegiň derwaýys meseleleri ara alnyp maslahatlaşylar.
Döwlet Baştutanlarynyň Geňeşiniň mejlisinden soňra, günüň ikinji ýarymynda «ŞHG+» formatynda dowam etjek ýokary derejeli duşuşykda Prezident Serdar Berdimuhamedow hem çykyş edip, sammitiň gün tertibinde ileri tutulýan ugurlar barada Türkmenistanyň garaýyşlaryny beýan eder.


şu gün 12:39
11k+

Döwlet we Hökümet Baştutanlary Serdar Berdimuhamedowy doglan güni bilen gutladylar

22-nji sentýabrda dünýä liderleri Türkmenistanyň Prezidenti Serdar Berdimuhamedowa  doglan güni mynasybetli gutlaglaryny iberdiler. Gutlag hatlarynyň teksti Türkmenistanyň Döwlet habarlar agentligi tarapyndan çap edildi...

şu gün 12:17
5.4k+

Aşgabatda döwlet sylaglaryny gowşurmak we hormatly atlary dakmak dabarasy geçirildi

20-nji sentýabrda Aşgabatda dürli pudaklarda zähmet çekýän işgärlere, önümçiligiň öňdebaryjylaryna, ministrlikleriň we pudaklaýyn dolandyryş edaralarynyň, olaryň düzümleýin guramalarynyň hünärmenlerine, döredijilik işgärlerine döwlet sylaglaryny gowşurmak we hormatly atlary dakmak dabarasy boldy...

düýn 21:59
2.1k+

Türkmenistanyň Prezidenti Ermenistany Garaşsyzlyk güni bilen gutlady

Prezident Serdar Berdimuhamedow Ermenistan Respublikasynyň Prezidenti Waagn Haçaturýana we Premýer-ministri Nikol Paşinýana hem-de ýurduň ähli halkyna Ermenistan Respublikasynyň Garaşsyzlyk güni mynasybetli tüýs ýürekden gutlaglaryny, iň gowy arzuwlaryny iberdi...

düýn 21:45
7.4k+

Serdar Berdimuhamedow BMG-niň Baş Assambleýasynyň 80-nji mejlisine gatnaşmak üçin iş Nýu-Ýorka ugrady

Şu gün Prezident Serdar Berdimuhamedow Birleşen Milletler Guramasynyň Baş Assambleýasynyň 80-nji mejlisine gatnaşmak üçin iş sapary bilen Amerikanyň Birleşen Ştatlaryna ugrady. Bu barada TDH habar berýär. Aşgabadyň Halkara howa menzilinde döwlet Baştutanyny ýurdumyzyň resmi adamlary ugratdylar...