Serdar Berdimuhamedow dört günlük iş sapary bilen Hytaýa bardy

  • düýn 19:50
  • 3.9k+

Şu gün, 31-nji awgustda Prezident Serdar Berdimuhamedow Şanhaý Hyzmatdaşlyk Guramasynyň sammitine we Ýeňşiň 80 ýyllygyna bagyşlanan dabaralara gatnaşmak üçin dört günlük iş sapary bilen Hytaý Halk Respublikasynyň Týanszin şäherine geldi. Bu barada "Türkmenistan" gazetinde habar berilýär.

Týanszin şäheriniň Halkara howa menzilinde döwlet Baştutanymyzy Hytaýyň resmi adamlary we Türkmenistanyň wekiliýetiniň agzalary mähirli garşyladylar.
Agşam döwlet Baştutany Hytaý Halk Respublikasynyň Başlygy we onuň maşgalasy tarapyndan Şanhaý Hyzmatdaşlyk Guramasynyň sammitine gatnaşýan wekiliýet ýolbaşçylarynyň hormatyna beriljek agşamlyk naharyna myhman hökmünde gatnaşar. Ertir bolsa «Meýszýan» sergi we maslahatlar merkezinde ŞHG-ä agza ýurtlaryň döwlet Baştutanlarynyň Geňeşiniň mejlisi hem-de «ŞHG+» formatyndaky ýokary derejeli duşuşyk geçiriler.
Ýeri gelende bellesek, 2001-nji ýylda düzüminiň giňeldilmegi bilen Şanhaý Hyzmatdaşlyk Guramasyna öwrülen bu gurama öz taryhyny 1996-njy ýylda esaslandyrylan «Şanhaý bäşliginden» alyp gaýdýar. Oňa agza ýurtlar (Hindistan, Eýran, Gazagystan, Hytaý, Gyrgyzystan, Pakistan, Russiýa, Täjigistan, Özbegistan, Belarus) häzirki wagtda Ýewraziýa yklymynyň 65 göterimini eýeläp, Ýer ýüzüniň ilatynyň tas ýarysy şu ägirt uly giňişlikde ýaşaýar. ŞHG ýurtlarynyň ählisi-de Türkmenistanyň ýakyn goňşulary we dostlary, öňden gelýän hyzmatdaşlary bolup durýar. Şoňa görä, doly hukukly agzasy bolmasa-da, Türkmenistan bu guramanyň sammitlerine yzygiderli gatnaşýar. Gahryman Arkadagymyz we hormatly Prezidentimiz dürli ýyllarda onuň ýokary derejeli duşuşyklaryna hormatly myhman hökmünde gatnaşyp, sebit we yklym ähmiýetli möhüm başlangyçlary öňe sürdüler.
Şu ýyl Şanhaý Hyzmatdaşlyk Guramasynda Hytaý başlyklyk edýär we ol «Şanhaý ruhuny» ilerledip: ŞHG hereketde» şygary astynda geçýär. Asman astyndaky ýurtda bu guramanyň ugry boýunça indi 5-nji gezek geçirilýän ýokary derejeli duşuşyga 20-den gowrak ýurduň döwlet we hökümet Baştutanlarynyň, halkara guramalaryň 10-synyň ýolbaşçylarynyň gatnaşmagyna garaşylýar.


şu gün 00:36
499

Balkan welaýaty Gazagystanyň Mangistau welaýaty bilen strategik hyzmatdaşlygyň maksatnamasy ylalaşyldy

28-nji awgustda Türkmenistanyň Balkan welaýatynyň häkimi Hojamyrat Aşyrmyradowyň ýolbaşçylygyndaky wekiliýet iş sapary bilen Gazagystanyň Mangistau welaýatyna bardy diýip, Türkmenistanyň DIM-nde habar berdiler...

30.08.2025 18:33
11k+

Uly we Kiçi Balkan daglary gorag astyna alnyp, goraghanalar dörediler

Türkmenistanda özeni Uly Balkan dagynda ýerleşdirilen täze goraghananyň, Kiçi Balkan dagynda we Günorta Ustýurtda bolsa ýörite goraghanalaryň döredilmegi meýilleşdirilýär. Şol bir wagtyň özünde, ýerli maldarlaryň işlerini dowam etdirmekleri üçin Balkan gerşiniň etekleri we töweregindäki öri meýdanlar olaryň ygtyýarynda galar...

30.08.2025 18:18
5.5k+

"Türkmenhimiýa" DK ýod we brom öndürýän zawody gurmak boýunça bäsleşik yglan etdi

Türkmenistanda “Balkanabat” ýod zawodynyň Nebitdag-Monjukly känindäki çig mal bazasynyň durkuny täzelemek bilen, ýod, brom, we brom önümlerini öndürýän zawodynyň gurulmagy meýilleşdirilýär. "Türkmenhimiýa” döwlet konserni kärhananyň taslamasyny düzmek we ony doly gurmak boýunça halkara bäsleşik yglan etdi...

30.08.2025 13:26
5.5k+

Türkmenistan, Azerbaýjan we Özbegistan optiki-paýlaýyş merkezleriniň ulgamyny döretmegi maslahatlaşýar

Azerbaýjan, Özbegistan we Türkmenistan optiki-paýlaýyş merkezleriniň ulgamyny döretmegi hem-de durnukly söwda-logistika zynjyrlaryny ösdürmegi meýilleşdirýärler. ORIENT agentliginiň Report neşirine salgylanyp habar...