Täze animasion film “Keý-pop melgun awçylary” (KPop Demon Hunters) Netflix amerikan platformasynyň taryhynda iň meşhur taslama boldy.
Kompaniýanyň maglumatlaryna görä, Sony Pictures Animation bilen hyzmatdaşlykda döredilen multfilm eýýäm 236 milliondan gowrak tomaşa ýygnady.
Multfilmdäki asyl aýdymlar Billboard Hot 100 çartynyň ilkinji onlugyna girdi, saundtrekler bilen aýdym-saz albomy bolsa geçen aýda Spotify-da 52,2 million diňleýjini özüne çekdi.
Filmiň sýužeti üç agzadan – Rumi, Mira we Zoýadan ybarat bolan Huntrix K-pop topary barada gürrüň berýär. Gahrymanlar diňe bir çykyş edip, aýdym aýtman, eýsem melgunlar bilen söweşip, öz muşdaklaryny howpdan goraýar.
