Çempionlar ligasynyň bije çekişigi geçirildi. 36 klubuň ählisi öz garşydaşyny bildi

  • şu gün 13:31
  • 5.6k+

28-nji awgustda 2025/26 möwsüminiň UEFA-nyň Çempionlar ligasynyň bije çekişigi geçirildi. Ýewropanyň esasy ýaryşyna 36 gatnaşyjynyň ählisi umumy tapgyr boýunça öz garşydaşlaryny bildi.

Her topar sekiz garşydaş: reýting boýunça düzülen 4 sebediň hersinden iki topar bilen duşuşar. Häzirki çempion awtomatik taýdan birinji sebede düşdi.

Şeýlelikde, häzirki çempionyň – fransuz “Pari Sen-Žermeniniň” garşydaşlary güýçli toparlar boldy. Klub öýünde “Bawariýany”, “Atalantany”, “Tottenhemi” we “Nýukasly” kabul eder, myhmançylykda bolsa “Barselona”, “Sportinge” we Bilbaodan “Atletige” garşy oýnar.

Madridiň “Realy” öýünde “Mançester Siti”, “Ýuwentus”, Marseliň “Olimpigi” we “Monako” bilen duşuşar. Myhmançylykda bolsa “Liwerpul”, “Benfika”, “Olimpiakos” we ýaryşda ilkinji gezek çykyş edýän “Kaýrat” bilen oýnar.

“Barselonanyň” haýbatly garşydaşlarynyň arasynda “Çelsi”, “Nýukasl” we ýokarda agzalan “PSŽ” bar.

Şeýle-de, umumy tapgyryň başga gyzykly oýunlary:

·“Arsenal” – “Bawariýa”

·“Inter” – “Arsenal”

·“Liwerpul” – “Atletiko Madrid”

·“Bawariýa” – “Çelsi”

·“Inter” – “Liwerpul”

·“Arsenal” – “Atletiko Madrid”

Çempionlar ligasy 2025/26-nyň umumy tapgyrynyň oýunlarynyň seneleri:

·Tapgyr 1: 2025-nji ýylyň 16-18-nji sentýabry

·Tapgyr 2: 2025-nji ýylyň 30-njy sentýabry – 1-nji oktýabry

·Tapgyr 3: 2025-nji ýylyň 21/22-nji oktýabry

·Tapgyr 4: 2025-nji ýylyň 4/5-nji noýabry

·Tapgyr 5: 2025-nji ýylyň 25/26-njy noýabry

·Tapgyr 6: 2025-nji ýylyň 9/10-njy dekabry

·Tapgyr 7: 2026-njy ýylyň 20/21-nji ýanwary

·Tapgyr 8: 2026-njy ýylyň 28-nji ýanwary

Pleý-off oýunlarynyň bije çekişigi: 2026-njy ýylyň 30-njy ýanwary

1/8, 1/4 we 1/2 finallaryň bije çekişigi: 2026-njy ýylyň 27-nji fewraly

2025/2026 möwsüminiň Çempionlar ligasynyň finaly 2026-njy ýylyň 30-njy maýyna Budapeştdäki “Puşkaş Arenada” (Wengriýa) meýilleşdirilýär. Oýnuň başlanýan wagty Merkezi Ýewropa wagty boýunça 18:00-a (Aşgabat wagty bilen 22:00) süýşürildi.


şu gün 19:36
798

“Fenerbahçe” Mourinýuny baş tälimçi wezipesinden aýyrdy, “Beşiktaş” Sulşer bilen hoşlaşdy

Stambulyň “Fenerbahçe” futbol kluby portugaliýaly Žoze Mourinýuny toparyň baş tälimçisi wezipesinden aýyrdy. Bu barada klub X sosial ulgamynda habar berdi. Çözgüt klubuň pleý-off tapgyrynda Portugaliýanyň “Benfikasyndan” utulyp, Çempionlar ligasynyň esasy tapgyryna çykyp bilmezligi bilen baglanyşykly boldy...

şu gün 07:25
6.9k+

«Altyn asyr» toparynyň AFK-nyň Çagyryş ligasyndaky garşydaşlary belli boldy

Aziýanyň Futbol Konfederasiýasy tarapyndan geçirilýän AFK-nyň Çagyryş ligasynda çykyş edýän Türkmenistandan «Altyn asyr» toparynyň toparçadaky garşydaşlary belli boldy. Malaýziýanyň paýtagty Kuala-Lumpur şäherinde geçirilen bije çekişligiň netijesinde, «A» toparça düşen paýtagtymyzyň toparynyň garşydaşlary Butanyň «Paro», Omanyň «Al-Şabab» hem-de Gyrgyz Respublikasynyň «Abdyş-Ata» toparlary boldular...

şu gün 00:59
7.1k+

Erling Holand Norwegiýanyň milli ýygyndysynda täze familiýa bilen çykyş eder

“Mançester Sitiniň” hüjümçisi Erling Holand Norwegiýanyň milli ýygyndysynda geýjek köýnekçesiniň arkasyndaky familiýasyny üýtgeder. Bu barada milli ýygyndynyň sosial ulgamlardaky resmi sahypasynda habar berilýär...

şu gün 00:20
6.9k+

UEFA Çempionlar ligasynyň finalynyň başlanýan wagtyny öňe süýşürdi

UEFA Çempionlar ligasynyň final oýnunyň başlanýan wagtynyň üýtgedilendigini habar berdi. 2025/26 möwsüminden başlap, ýaryşyň aýgytly oýny Merkezi Ýewropa wagty boýunça 21:00-da däl-de, 18:00-da (Aşgabat wagty bilen 22:00) başlar...