Ilon Mask özüniň soňky çykyşynda ýene Starship kosmos gämisini Ýerde ýokary tizlikli uçuşlar üçin ulanmak mümkinçiligi barada söz açdy.
SpaceX-iň ýolbaşçysynyň aýtmagyna görä, Los-Anjeles we Sidneý, Los-Anjeles we Tokio ýa-da Nýu-Ýork we Singapur ýaly şäherleriň arasyndaky syýahat 30 minutdan hem az wagt alyp biler. Mysal üçin, Nýu-Ýorkdan Londona Atlantikanyň üsti bilen uçuş sesiň tizliginden 25 esse ýokary tizligiň netijesinde bary-ýogy 10 minutda mümkindir.
Starship doly derejede köp gezeklik ulgam hökmünde ösdürilýär. Hasaplamalara görä, ol täjirçilik howa gämilerinden 30 esse ýokary tizligi berip bilýär, bu hem yklymara uçuşlary mümkin boldugyndan has gysgaltmaga mümkinçilik berýär.
Taslama planetara missiýalaryna gönükdirilendir. Ozal Mask Marsa ilkinji uçarmansyz uçuşlaryň 2026-njy ýylda, uçarmanly uçuşlaryň bolsa 2030-njy ýyllaryň başynda meýilleşdirilýändigini aýtdy. Mundan başga-da, kosmos gämisi Aýa ekspedisiýa üçin ulag hökmünde görülýär.
Belläp geçsek, 27-nji awgusta geçilen gije SpaceX Starship-iň 10-njy synag uçuşyny geçirip, şowsuzlyklaryň arasyny üzdi. Uçuş bu gezek üstünlikli boldy.
