Forbes neşiriniň wersiýasy boýunça, repçi Jay-Z dünýäniň iň baý sazandasy bolmagynda galýar. Onuň baýlygy 2,6 mlrd dollar diýlip hasaplanýar.
2019-njy ýylda Jay-Z ilkinji hip-hop-artist-milliarder boldy. Soňky ýyllarda onuň baýlygy ep-esli: 2023-nji ýyldaky 1,4 mlrd dollardan 2,5 mlrd dollara çenli artdy. Ol girdejiniň esasy bölegini aýdym-sazdan däl-de, alkogol biznesiniň netijesinde gazandy. Roc Nation leýblinden başga-da, oňa konýak we çakyr brendleri degişli. Şeýle-de, Jay-Z Uber kompaniýasynyň paýnamalaryna eýeçilik edýär.
Aýdym-saz pudagynda iň baý zenan Teýlor Swift bolup galýar, onuň baýlygy 1,6 mlrd dollar diýlip hasaplanýar. Bu serişdeleriň esli bölegini aýdymçy gönüden-göni aýdym-sazyň üsti bilen gazandy: takmynan, 600 mln dollary töleglerden we çykyşlardan aldy. Onuň aýdym-saz katalogynyň bahasy hem şonça barabar.
Ozal iň baý zenan sazanda tituly Rianna degişlidi. Onuň baýlygy iň ýokary derejesinde 1,77 mlrd dollar bilen bahalandyrylypdy, ýöne häzir ol 300 mln dollar azaldy.
