2025-nji ýylda Afrika ýurtlary Hytaýdan geçen ýylkydan has köp Gün panellerini satyn aldylar. Diňe maý aýynda yklym umumy kuwwaty 1,57 GWt bolan panelleri import etdi, bu bolsa taryhy maksimum boldy. Şol bir wagtyň özünde, bu ösüş ýigrimi töweregi kiçi ýurt tarapyndan amala aşyryldy diýip, Wired habar berýär.
Ember global energetika merkeziniň baş seljerijisi Deýw Jons şu ýylyň ýanwar-maý aýlarynda azyndan 22 Afrika döwletiniň, 2024-nji ýylyň degişli döwri bilen deňeşdirilende, has köp panel import edendigini we köpüsiniň importynyň iki esse köpdügini aýtdy. Şeýlelikde, Alžir 0,76 GW panel import etdi, bu bolsa geçen ýyldakydan 6,300% köpdür. Çad ýaly az ösen ýurtlar bar bolan elektrik öndürmek kuwwatynyň ornuny tutmak üçin ýeterlik panel satyn aldylar.
Halkara Energetika Guramasy dünýädäki Gün panelleriniň 80% -den gowragynyň Hytaýda öndürilýändigini habar berdi. Ýurt döwlet tarapyndan berilýän subsidiýalaryň, giň gerimli önümçilik arkaly tygşytlylygyň we kompaniýalaryň tehnologiki taýdan kämilleşmeginiň hasabyna pudagy ösdürdi. Ondan öň önümiň agramly bölegi Ýewropa, Demirgazyk Amerika we Aziýa gidýärdi, Afrikada bolsa umumy satuwyň göwrümi uly däldi.
Käbir Afrika ýurtlary Gün energiýasy üçin salgyt ýeňilliklerini we artykmaç güýji tora girizmek üçin tölegleri goşmak bilen, Gün energiýasy üçin höweslendiriş çärelerini girizýärler. Demirgazyk Afrikada, Alžirde we Müsürde iri senagat Gün elektrik stansiýalary gurulýar, Saharanyň günortasyndaky, elektrosete birleşdirilmedik ýurtlar bolsa oba jemgyýetleri üçin paneli satyn alýarlar.
Käbir ýurtlar ýerli önümçiligi we kiçi göwrümli panelleri ýygnamagy ösdürmegi göz öňünde tutýarlar, sebäbi yklymda olaryň öz fabrikleri ýok diýen ýaly.
