Forbes žurnaly 2025-nji ýylda dünýäniň iň baý tennisçileriniň reýtingini hödürledi. Sanawda birinji orny ýylda 48,3 mln dollar girdeji bilen ispaniýaly Karlos Alkaras eýeledi.
Ikinji orunda 47,3 mln dollar bilen italiýaly Ýannik Sinner ýerleşdi. Geçen ýyl ol 26,6 mln dollar gazandy, ýöne soňky 12 aýda onuň girdejisi ep-esli artdy.
Kortda gazanan girdejisi boýunça Sinner öňde: pul baýraklary 20,3 mln dollar bolup, bu Forbes-iň öňki reýtinglerinde Nowak Jokowiçiň görkezijileri bilen deňleşýär. Alkaras kortdan daşary gazanan girdejileri boýunça öňde barýar – ol 35 mln dollary hemaýatkärlik şertnamalaryndan, şüweleňlerden we beýleki taslamalardan aldy.
Sanawda üçünji we zenanlaryň arasynda birinji orny amerikaly Kori Gauff eýeledi. Ol 37,2 mln dollar girdeji (12,2 mln dollar – baýrak, 25 mln dollar – kortdan daşary) bilen 2024-2025-nji ýyllarda zenanlaryň arasynda iň köp girdeji gazanan türgen boldy. Nowak Jokowiç 29,6 mln dollar bilen dördünji orunda ýerleşdi.
Forbes boýunça dünýäniň iň baý tennisçileriniň reýtingi:
- Karlos Alkaras (Ispaniýa) – $48,3 mln
- Ýannik Sinner (Italiýa) – $47,3 mln
- Kori Gauff (ABŞ) – $37,2 mln
- Nowak Jokowiç (Serbiýa) – $29,6 mln
- Arina Sobolenko (Belarus) – $27,4 mln
- Sinwen Çžen (Hytaý) – $26,1 mln
- Iga Swýontek (Polşa) – $24 mln
- Teýlor Fris (ABŞ) – $15,6 mln
- Frensis Tiafo (ABŞ) – $15,2 mln
- Daniil Medwedew (Russiýa) – $14,3 mln.
