Bvlgari Hotels & Resorts Birleşen Arap Emirlikleriniň paýtagty Abu-Dabide täze dynç alyş toplumyny we ýaşaýyş jaýlaryny gurmak barada ylalaşyk baglaşdy. Toplumyň açylyşy 2030-njy ýyla meýilleşdirilýär.
Bvlgari Resort & Mansions Abu Dhabi hususy adada ýerleşer. Ol ýerden açyk deňze, Prezident köşgüne we şäheriň panoramasyna giň görnüş açylar. Taslama 60 otagy we lýuksleri, şeýle hem özbaşdak basseýnleri bolan 30 willany we meýdany 1 650–2 500 inedördül metre çenli barýan 90 jaýy öz için alýar.
Geljekki toplumyň infrastukturasynda restoranlar, spa-merkez, fitnes zallary, landşaftly sebitler, baýramçylyk zaly, şeýle hem hususy kenarly we 40 orunlyk gämi duralgaly ýaht-klub bolar.
Taslamanyň arhitektura çözgüdi Milan şäherindäki Acpv Architects tarapyndan alnyp barylýar, onuň deweloper kompaniýasy bolsa Abu-Dabiden Eagle Hills bolup çykyş edýär.
