Tailandyň Syýahatçylyk we sport ministrligi daşary ýurtly syýahatçylar üçin mugt içerki uçuş maksatnamasyny teklip etdi. Bu başlangyjy durmuşa geçirmek üçin 700 mln bat bölüp bermek meýilleşdirilýär diýip, The Economic Times neşiri ýazýar.
Taslamanyň şertlerine görä, Tailanda petek satyn alan daşary ýurtly syýahatçylar ýa-ha ýurduň içinde iki mugt uçuş, ýa-da bir taraplaýyn petek satyn alyp biler. Goşuň 20 kg çenli bolmagy göz öňünde tutulýar.
Maksatnamany alty awiakompaniýa, şol sanda Thai Airways we AirAsia bilen hyzmatdaşlykda işe girizmek meýilleşdirilýär.
Başlangyç 2025-nji ýylyň awgust – dekabr aýlary üçin niýetlenýär we Buy International, Free Thailand Domestic Flights adyny göterer. Häkimiýetler oňa azyndan 200 müň adamyň gatnaşmagyna we munuň ýurda 21,8 mlrd bata çenli peýda getirmegine garaşýar.
