70-nji ýubileý “Ýewrowideniýe” bäsleşigi 2026-njy ýylda Wenada geçiriler. Bu barada çäräniň resmi saýtynda habar berildi.
“Final 16-njy maýda ýurduň iň uly arenasynda, Winer-Ştadthallede geçiriler” – diýlip, metbugat relizinde aýdylýar. Ýarym finallar 12-nji we 14-nji maýa meýilleşdirilýär. Çäräni gurnamak işine Awstriýanyň ORF milli ýaýlym guramasy jogapkärdir.
Wena üçünji gezek bäsleşigiň geçirilýän ýeri bolar. Ozal Awstriýanyň paýtagty “Ýewrowideniýäni” 1967-nji we 2015-nji ýyllarda kabul etdi. Geçirilen bäsleşikleriň sany boýunça ol Kopengagen, Malmýo we Stokgolm bilen dördünji orny paýlaşýar. “Ýewrowideniýe” Dublinde, Londonda we Lýuksemburgda köp geçirildi.
2025-nji ýylda bäsleşik Bazelde geçdi we onuň ýeňijisi “Wasted Love” aýdymy bilen awstriýaly aýdymçy Ýohannes Pitç (JJ) boldy. Ikinji orny “New Day Will Rise” aýdymy bilen ysraýylly aýdymçy Ýuwal Rafael eýeledi. Üçünji “Espresso Macchiato” aýdymy bilen estoniýaly repçi Tommi Keş boldy. Ol ikinjiden bary-ýogy bir bal tapawut bilen yza galdy.
