18-20-nji awgust aralygynda Daşkent şäherinde kýokuşunkaý karate boýunça Merkezi Aziýanyň Kubogy geçirildi. Türkmenistanyň ýygyndy topary ýaryşda ýokary netijeleri görkezip, 6 altyn, 4 kümüş we 14 bürünç medala mynasyp boldy.
Ýaş karateçiler aýratyn hem kumite boýunça ýaryşda üstünlikli çykyş etdiler.
Altyn medallara mynasyp bolanlar:
- Meýlis Paşagulyýew (18+ ýaş, agram derejesi 80 kg-dan ýokary),
- Medine Daňatarowa (14–15 ýaş, agram derejesi 60 kg çenli),
- Gülşirin Orazmuradowa (18+ ýaş, agram derejesi 65 kg-dan ýokary),
- Aýimjan Sultanowa (18+ ýaş, agram derejesi 65 kg çenli),
- Süleýman Agamedow (16–17 ýaş, agram derejesi 60 kg çenli),
- Seýran Potarow (45+ ýaş, agram derejesi 85 kg çenli).
Kümüş medallara mynasyp bolanlar:
- Kümüş Genjäýewa (12–13 ýaş, agram derejesi 45 kg çenli),
- Şahzada Meňliýewa (16–17 ýaş, agram derejesi 45 kg çenli),
- Aýnur Nurjanova (14–15 ýaş, agram derejesi 50 kg çenli),
- Alimerdan Iskanderow (6–7 ýaş, agram derejesi 25 kg çenli).
Ýaryşa Gazagystandan, Täjigistandan, Özbegistandan, Gyrgyzystandan, Türkmenistandan, Owganystandan, Bahreýn we Kuweýt döwletlerinden 550-ä golaý türgen gatnaşdy. Türkmenistanyň ýygyndy toparyna Aşgabat şäheriniň, Ahal, Mary we Daşoguz welaýatlarynyň mekdep okuwçylary hem-de ýurdumyzyň ýokary okuw mekdepleriniň talyplary wekilçilik etdiler.
