“Fluminenseniň” braziliýaly derwezebany Fabio professional futbolda gatnaşan oýunlarynyň sany boýunça rekord eýesi boldy. Onuň hasabynda indi 1391 oýun bar.
44 ýaşly futbolçy çarşenbe güni Günorta Amerika kubogynyň 1/8 finalynyň Kolumbiýanyň “Amerika De Kali” toparyna garşy oýnuna başlangyç düzümde çykdy. Duşuşyk “Fluminenseniň” 2:0 hasabynda utmagy bilen tamamlandy.
Fabio 1390 oýna gatnaşan Angliýanyň milli ýygyndysynyň öňki derwezebany Piter Şiltonyň rekordyny täzeledi. Sanawda üçünji orny 1284 oýun bilen Portugaliýanyň milli ýygyndysynyň hüjümçisi Kriştianu Ronaldu eýeleýär.
Fabio 2022-nji ýyldan bäri “Fluminensede” çykyş edýär. Ondan öň Braziliýanyň “Unian Bandeýrante”, “Atletiko Paranaense”, “Kruzeýro” we “Wasko da Gama” klublarynda oýnady. Ol üç gezek Braziliýanyň çempiony boldy.
Şeýle-de, oňa Libertadores Kubogynda we Günorta Amerika Kubogynda gazanylan ýeňişleriň sany boýunça rekordlar degişlidir.
