YouTube “Oskar” baýragynyň gowşurylyş dabarasyny ýaýlyma bermek üçin hukuk satyn almaga gyzyklanma bildirýär. Bu barada iki çeşmä salgylanyp, Bloomberg habar berýär.
Neşiriň bellemegine görä, barha abraýyny ýitirýän dabaranyň iň uly wideohostingde ýerleşdirilmegi oňa bolan gyzyklanmany artdyryp bilerdi.
“YouTube – dünýäde iň köp görülýän wideoplatforma we hakyky media şasy. Ol auditoriýany kepillendirip, global platformany teklip edip biler” – diýip, Bloomberg belleýär.
Gutarnykly çözgüt entek kabul edilmedi. Dabarany görkezmek hukugy üçin NBCUniversal (Comcast) we Netflix ýaly teleýaýlymlar we akym platformalary-da göreşýär.
Tas ýarym asyryň dowamynda “Oskar” Disney-e degişli bolan ABC teleýaýlymy tarapyndan ýaýlyma berildi. Bu şertnama 2028-nji ýyla çenli hereket edýär. Häzirki wagtda Kinosungat akademiýasy birnäçe dalaşgär bilen gepleşikleri geçirýär.
