Mongoliýada uly dyrnakly, guşa meňzeş dinozawryň galyndylary tapyldy. Täze görnüş Shri rapax diýlip atlandyryldy we dromeozawrid maşgalasyna degişlidir. Bu açyş barada Historical Biology žurnalynda habar berildi.
The Independent alymlaryň gelen esasy netijelerini jemleýär.
Hünärmenler bu galyndylar Mongoliýadaky Jadohta formasiýasyndan gazylyp alnan diýip hasaplaýarlar, ýöne 2000-nji ýyllarda süňkleriň bikanun gazylyp çykarylandygy sebäpli takyk bir zat aýdyp bolmaz. Şondan soň, olar Fransiýanyň Eldonia kompaniýasy satyn alýança, Angliýada we Ýaponiýada hususy kolleksiýalarda saklanypdyr.
Jadohta formasiýasy 75–71 million ýyl ozal Ýerde ýaşan dinozawrlaryň galyndylaryny öz içine alýar.
Täze görnüşiň berk başam barmagy we uzyn dyrnaklary bolupdyr. Kelläniň gurluşy güýçli dişläp bilendigini görkezýär. Alyn penjeleriniň anatomiýasyndan çen tutup, alymlar bu ýyrtyjynyň, garyndaşy welosiraptora garanda, has uly awlary awlandygyny çaklaýarlar. Megerem, bu dinozawryň pidalaryna ýaş, sowutly dinozawrlar giren bolsa gerek.
