Kofe üçin iň gowy wagt oýananyňdan soň 2,5 sagatdan soň bolup, ony iň gowusy ýekelikde içmeli. Şeýle teklibi ýewropaly alymlar öňe sürýär. Olar kofe içmegiň wagtynyň we şertleriniň içgiden alynýan lezzete nähili täsir edýändigini öwrendi.
Ylmy gözlegiň netijeleri Scientific Reports žurnalynda neşir edildi.
Tejribä 18 – 29 ýaş aralygyndaky 236 adam gatnaşdy. Olar 2 – 4 hepdäniň içinde kofe içip, ýörite anketada öz duýgularyny bellik etdi.
Netijede, ertirki kofeniň oýananyňdan soň göni däl-de, 2,5 sagatdan soň içilende has lezzetli bolýandygy anyklandy. Üstesine-de, gatnaşyjylar kofeni köplük bolup däl-de, ýekelikde içenlerinde has ýiti duýgulary başdan geçirdi. Aýratynam, içgi ýadawlygy duýan adamlara has gowy täsir etdi.
