Halkara alymlar topary adamyň ýaşaýan ýeriniň onuň biologik ýaşyna we molekulýar profiline täsir edýändigini anyklady. Bu barada Cell ylmy žurnalynda çap edilen makalada habar berilýär.
Bu arlaga Aziýada, Ýewropada we Demirgazyk Amerikada ýaşaýan ýewropaly, gündogar aziýaly we günorta aziýaly 322 sagdyn meýletinçi gatnaşdy. Alymlar genleriň, beloklaryň, metabolitleriň, içege mikroflorasynyň we beýleki molekulýar görkezijileriň bir wagtda seljerilmegine mümkinçilik berýän köpugurly usuly ulandylar.
Seljerme, adamyň nirede ýaşýandygyna garamazdan, etniki gelip çykyşynyň durnukly molekulýar yzy saklaýandygyny görkezdi. Günorta Aziýa gelip çykyşly gatnaşyjylarda patogenlere garşy antitelolaryň derejesi ýokary, ýewropa gelip çykyşly adamlarda bolsa içege mikroflorasy has dürli we ýürek-damar keselleri bilen baglanyşykly metabolitleriň derejesi ýokary boldy.
Şeýle hem, alymlar adamyň ýaşaýan ýeri bilen onuň biologiki taýdan garrama tizliginiň arasynda baglanyşyk tapdylar. Aziýanyň çäginden daşarda ýaşaýan gündogar aziýalylar biologiki taýdan öz ýurtlaryndaky deň-duşlaryndan uludylar. Ýewropalylaryň arasynda bolsa tersine meýle syn edildi: Ýewropadan daşarda ýaşaýan gatnaşyjylar biologiki taýdan ýaş görünýärdi.
Barlagyň awtorlary munuň diňe deňeşdirilen baglanyşykdygyny, subut edilen sebäp-derňew baglanyşygy däldigini belleýärler. Iýmitiň, daşky gurşawyň we mikrobiom aýratynlyklarynyň hem täsir edip biljekdigi çaklanylýar.
