Hytaýyň Heçi okrugynda (Guansi-Çžuan awtonom sebiti) 300 metrlik kert gaýada gurlan kitap dükany açyldy. Bu barada News-Asia neşiri ýazýar.
Dükan 2025-nji ýylyň maýynda işläp başlady we birnäçe aýyň içinde 100 müňden gowrak myhmany özüne çekdi. Agaçdan we aýnadan ýasalan bina dag landşafty bilen sazlaşdy – kitap tekjeleriniň bir bölegi göni gaýanyň özünde ýasaldy. Gündizine dükany tebigy yşyk ýagtylandyrýar, agşamyna bolsa yşyklandyryş kert gaýada gaýýan galanyň effektini döredýär.
Dükanda sungat, filosofiýa we taryh boýunça edebiýat hödürlendi. Myhmanlar üçin launž-zolaklar, köpçülikleýin okaýyş, döredijilik duşuşyklary, leksiýalar we kamera çäreleri üçin zolaklar, şeýle-de kerte tarap görnüş açýan kofehana gurnaldy.
Taslama özüniň tebigy peýzažlary we karst çukurlary bilen belli bolan “Mýanhua Týanken” syýahatçylyk zolagyny ösdürmek maksatnamasynyň çäklerinde durmuşa geçirildi.
