2025/26 möwsüminiň öňüsyrasynda UEFA klublaýyn reýtingini täzeledi. Sanawda ilkinji orny 117,5 utuk toplan Madridiň "Realy" eýeledi.
Geçen möwsümde “Real” hiç bir kubogy gazanyp bilmese-de, UEFA-nyň reýtingi soňky bäş möwsümde toparlaryň Ýewrokuboklardaky netijelerine görä düzülenligi sebäpli "Real" sanawyň başyna çykdy.
Ilkinji üçlüge şeýle hem 108,25 utuk toplan Mýunheniň "Bawariýasy" we 107,25 utukly Milanyň "Interi" girýär.
UEFA-nyň ilkinji 20 klubunyň sanawy:
- "Real" — 117,5
- "Bawariýa" — 108,25
- "Inter" — 107,25
- "Mançester Siti" — 102,75
- "Liwerpul" — 101,5
- "PSŽ" — 94,5
- "Baýer" — 85,25
- "Borussiýa D" — 84,75
- "Barselona" — 83,25
- "Roma" — 80,5
- "Benfika" — 77,75
- "Atletiko" — 77,5
- "Mançester Ýunaýted" — 76,5
- "Çelsi" — 76
- "Arsenal" — 75
- "Aýntraht" — 74
- "West Hem" — 69
- "Feyenoord" — 67
- "Milan" — 66
- "Atalanta" — 65
UEFA-nyň klublaýyn reýtingi esasan Çempionlar ligasy, Ýewropa ligasy we Konferensiýalar ligasy ýaly ýaryşlaryň bije çekişliginde toparlaryň sebedini kesgitlemek üçin ulanylýar. Mundan başga-da, ol indiki möwsümde her bir ýurda Ýewrokuboklarda beriljek orunlaryň sanyna-da täsir edýär.
