Huawei eplenýän üç ekranly smartfonynyň täze görnüşini – Mate XT 2 smartfonyny taýýarlaýar. Fixed Focus Digital insaýderleriniň maglumatlaryna görä, smartfonyň tanyşdyrylyşy 10-njy sentýabrda bolup biler.
Bu sene Apple-iň iPhone 17 smartfon hatarynyň garaşylýan tanyşdyrylyş dabarasy bilen gabat gelýär. Gürrüňlere görä, ol hem 9-njy ýa-da 10-njy sentýabra meýilleşdirilýär.
Eplenýän üç ekranly ilkinji Mate XT smartfony uly gyzyklanma döretdi. Model planşet bilen deňleşip bilýän açylyp-ýygnalýan ekrany bilen tapawutlanýar. Onuň özboluşly gurluşy hatda iPhone 16-nyň hem muşdaklarynyň ünsüni özüne çekdi.
Häzirlikçe Huawei täze model barada maglumat bermeýär, ýöne gürrüňlere görä, ol Mystic Black, Auspicious Red, Crimson Purple we Bright White ýaly reňklerde elýeterli bolar.
Ozal, anons 12-nji sentýabrda geçiriler diýlip çak edilipdi. Geçen ýyl Huawei hut şu senede Mate XT Ultimate Design Edition smartfonyny hödürledi. Ýöne, gürrüňler dogry bolsa, hytaý tehnoägirdi nämedir bir sebäp boýunça öz amerikan bäsdeşiniň anonsyna “päsgel bermek” kararyna gelipdir.
