SpaceX öz Starship kosmos gämisini Mars missiýalary üçin hödürläp başlady we eýýäm ilkinji şertnamasyny baglaşdy. Ilkinji müşderi Italiýanyň kosmos agentligi (ASI) boldy.
ASI-niň prezidenti Teodoro Walenteniň aýtmagyna görä, agentlik Gyzyl planetanyň üstünden maglumat ýygnamak üçin ylmy enjamlary ibermegi meýilleşdirýär. Tejribeler Starship-iň ilkinji täjirçilik uçuşlarynyň çäklerinde geçiriler.
“Italiýa Marsa ugraýar! ASI we SpaceX müşderiler bilen Starship-iň Marsa ilkinji uçuşlarynyň çäklerinde italýan synaglaryny geçirmek barada özboluşly şertnama baglaşdy. Peýdaly ýük missiýanyň dowamynda ylmy maglumatlary ýygnar. Italiýa kosmosy öwrenmekde öňdebaryjy bolmagyny dowam etdirýär!” – diýip, Walente ýazdy.
SpaceX-iň prezidenti we baş operasion müdiri Gwinn Şotwell kompaniýanyň Mars missiýalaryna gyzyklanma bildirýän startaplar we milli agentlikler bilen hem hyzmatdaşlyk etmäge taýýardygyny aýtdy. Şeýle-de, ol häzir awgust aýyna meýilleşdirilýän Starship Flight 10-uň uçuşyna taýýarlyk görülýändigini belledi.
Starship ilkinji gezek 2023-nji ýylyň aprelinde uçdy. 2025-nji ýylda birnäçe uçuş Hindi ummanda gonmazdan öň ýokarky basgançagyň heläkçilige uçramagy bilen tamamlandy. Muňa garamazdan, kompaniýa synaglary dowam etdirýär we programmanyň indiki tapgyryna taýýarlanýar.
