Ilon Mask xAI kompaniýasynyň “şu ýylyň ahyryna çenli” Grok 5 modelini çykarjakdygyny aýtdy. Bu OpenAI-iň täze GPT-5 modeli tanyşdyrylandan soň belli boldy.
Maskyň aýtmagyna görä, xAI-iň emeli aňynyň häzirki wersiýasy Grok 4 OpenAI-iň soňky modelinden “has üstün gelýär”. Şeýle-de, ol Microsoft-yň baş direktory Satýa Nadella ýüzlenip, OpenAI-iň “Microsoft-y dirilige ýuwutjakdygyny” duýdurdy.
Nadella şeýle synanyşyklaryň eýýäm köp ýyldan bäri dowam edýändigini belledi.
“Adamlar eýýäm 50 ýyl bäri synanyşýar, ähli gözellik hem şunda! Sen her gün täze bir zady bilýärsiň, innowasiýalary döredýärsiň, hyzmatdaşlyk edýärsiň we bäsleşýärsiň. Azure-de Grok 4-e sabyrsyzlyk bilen garaşýaryn we Grok 5-e sabyrsyzlyk bilen garaşýaryn” – diýip, Microsoft-yň ýolbaşçysy belledi.
Şol gün ol GPT-5-iň kompaniýanyň Microsoft 365 Copilot, Copilot, GitHub Copilot we Azure AI Foundry ýaly platformalarynda işe girizilendigini habar berdi. Nadella modeli OpenAI-iň “häzirki günde iň güýçli” önümi diýip atlandyrdy we onuň “pikir ýöretmek, kodlamak we çat boýunça täze güýçli taraplaryny” belledi. Ol modeliň Azure-de okadylandygyny sözüniň üstüne goşdy.
Soňra Mask OpenAI-iň soňky modeliniň deregine xAI-iň önümini makul bilen ulanyjylaryň synlaryny hödürledi.
