SpaceX kompaniýasyny esaslandyryjy Ilon Mask «Starship V3» agyr raketasynyň–«Ship 39» prototipiniň ilkinji uçuşynyň 2026-njy ýylyň maý aýynyň başyna meýilleşdirilýändigini habar berdi.
Onuň sözlerine görä, raketa we uçurýjy gurluşy taýýarlamak işleri meýilnama laýyklykda alnyp barylýar. Uçuş bolsa ýakyndaky hepdeleriň birinde amala aşyrylmaly.
Asylam milliarder uçuş üçin 4-6 hepdäni öz içine alýan aralygy çaklapdy. Bu aýdanlary-da maý aýyndaky uçuş meýilnamasyna doly gabat gelýär.
FCC kadalaşdyryjy guramasynyň maglumatlarynda «Flight 12» kod ady bilen geçiriljek geljekki missiýanyň suborbital (ýeriň daşyna doly çykmaýan) häsiýetde boljakdygy bellenilýär. Eger synaglar üstünlikli geçse we ähli ulgamlar kadaly işlese, indiki «Flight 13» uçuşynyň doly orbital görnüşde bolmagyna garaşylýar.
