2025-nji ýylyň 6-njy awgustyndan 18-nji sentýabryna çenli Aşgabat şäherinde Bitarap Türkmenistan şaýolunyň Atamyrat Nyýazow we Arçabil şaýollarynyň arasynda ýerleşýän böleginde ulaglaryň hereketi bölekleýin çäklendiriler. Bu barada şäher häkimligi habar berýär.
Bellenilişi ýaly, bu çäre Bitaraplyk baýramynyň 30 ýyllygy mynasybetli abatlaýyş işleriniň geçirilmegi bilen baglanyşyklydyr.
Şäher häkimligi Aşgabadyň ýaşaýjylaryny we myhmanlaryny görkezilen döwürde şäher boýunça syýahat meýilnamalaryny düzende wagtlaýyn çäklendirmeleri göz öňünde tutmaga çagyrýar.
