Microsoft kompanivasy, Nvidia-dan soň, bazar bahasy 4 trillion dollardan geçen dünýäde ikinji kompaniýa boldy.
Bu üstünlik kompaniýanyň Wall Street analitikleriniň garaşyşyndan ýokary bolan çärýekleýin hasabatyny çap etmeginiň yzýany boldy diýip, Bloomberg belleýär.
Nýu-Ýorkdaky birža söwdalarynyň başynda Microsoft-yň paýnamalary 8,2% ýokarlandy, netijede kompaniýanyň kapitallaşdyrmasy 4,1 trillion dollara ýetdi. Soň paýnamalaryň bahasy birneme pese gaçdy we häzirki wagtda kompaniýanyň bazar bahasy takmynan 4 trillion dollar derejesinde saklanýar.
Çap edilen görkezijilere görä, Microsoft-yň "Azure" bulut hyzmatlary bölümi 39% ösüş görkezipdir. Bu bolsa analitikleriň çaklamasyna görä garaşylan 34%-den ýokarydyr.
Kompaniýanyň maliýe direktory Emi Hud analitikler bilen geçiren telefon gepleşiginde Microsoft-yň ýylyň jemleri boýunça girdejisini iki belgili ösüş bilen artdyrmagyna garaşýandyklaryny mälim etdi.
