Thales Alenia Space-iň we Ýewropa kosmos agentliginiň (ESA) işgärleri ExoMars-yň geljekki missiýasy üçin paraşýut ulgamyny synagdan geçirdiler. Uçurylýan modulyň geliý şary bilen Polýar tegeleginden 30 km belentlige galdyrylan maketi iki paraşýutyny açandan soň ýere üstünlikli gondy.
Ulgam Gyzyl planetanyň üstüne “Rozalind Franklin” mars rowerini eltmek üçin döredildi. Ol sesden gaty tizlikde barýarka badyny saklamak üçin niýetlenen diametri 15 m bolan esasy paraşýutdan we ahyrda ýere düşmek üçin niýetlenen diametri 35 m bolan goşmaça paraşýutdan ybarat.
ESA tarapyndan Mars missiýasy üçin iň ulusy hökmünde häsiýetlendirilen ikinji paraşýut 4 kilometr urganly 800 inedördül metr matadan taýýarlanyp, ony konteýnere ýerleşdirmek üçin üç gün töweregi wagt gerek.
Synaglar deňiz derejesindäki Ýerden 1% dykyz bolan Mars atmosferasynyň şertlerini döretdi. Munuň üçin model ýolagçy uçarlarynyň uçýan belentliginden üç esse ýokary - 30 km beýiklige çykaryldy. Apparat 20 sekuntlap erkin gaçyşda bolup, sesiň tizligine diýen ýaly ýetdi, şondan soň paraşýutlar birin-birin açyldy. Synagyň şertleri, şol sanda atmosferanyň tizligi we dykyzlygy paraşýutlaryň Marsda başdan geçirjeklerine laýyk gelýärdi.
